Tamara Carolina Schulz Garcia

Tamara Carolina Schulz Garcia


 

Se presenta a:

Consejo Ciudadano Autonómico

Biografía

Nacida n’Uviéu, viví nel barriu de Vallobín tola infancia y la mocedá. N’Uviéu tamién, finé estudios de la llicenciatura de Historia y Ciencies de la Música. Apasionada pola música tradicional asturiana, participé en dellos grupos de música y baille tradicional dende guaḥa. Viví unos años n’Italia, onde completé estudios de musicoloxía y llingua italiana na Universidá de Pisa. Al regresu, tópeme cola cruda realidá llaboral d’Asturies, y ensin posibilidá de trabayar equí, fici oposiciones en Madrid, onde tuvi cuatro años trabayando como docente na Secundaria. Anguaño, vivo nun pueblu del conceyu de Llanes, conceyu onde tamién trabayo como profesora de Xeografía ya Historia. Activa na llucha en defensa de la educación pública, milito nel sindicatu SUATEA. Participé dende moza nos movimientos na defensa de la sanidá pública, la educación pública, la reivindicación llingüística, l’anticapitalismu… pero nos últimos años vengo dando sofitu a dos causes que considero esenciales: el feminismu y la llucha pola defensa de les pensiones públiques.


Motivación

Entendílo cuando nació PODEMOS y m’inscribí, y entiéndolo aínda más agora: PODEMOS ye la ferramienta del cambéu. Necesitamos cambiar el rumbu p’apurrir a lo común, pa dar puxu a una Asturies que presenta ún de los datos más desfavorables d’esclusión social del país. Necesitamos dexar atrás los personalismos y los egos y curiar lo meyor que tenemos nesta organización, que ye la xente, la militancia. Ye una obligación tresformar Asturies y facelo dende la humildá, trabayando con tolos territorios d’Asturies. Trabayar mano a mano onde yá tenemos círculos y trabayar por crecer nos llugares onde nun tenemos tanta presencia. El mio compromisu políticu y personal pasa por nun escaecer les lluches y los movimientos nos que participo; nun escaecer qu’ensin los pueblos Asturies nun s’entiende y, poro, ye necesario fixar población nel mediu rural con polítiques feches dende baxo y dende’l municipalismu .