Maria Lluisa Nogueiro Cereigido



Maria Lluisa Nogueiro Cereigido


 

Se presenta a:

Consejo Ciudadano Autonómico

Biografía

Soy madre monomarental. Mayestra experta en llingua asturiana. Feminista. Diversa funcional. Falante d’asturianu y gallego-asturiano. Vecina d’Uviéu y del mio barrio de Ciudá Naranco.
Nesta la mio vida, hebo tiempu pa dir al trabayu, pa criar fíos y pa salir a les cais cuando había que denunciar cualisquier inxusticia. Soi especialmente sensible a los abusos de poder, de la banca, al despreciu de la nuesa cultura, los servicios públicos, el medio ambiente… pero, soilo más cuando se vulneren los drechos de les persones, les persones más vulnerables, nenos, muyeres, persones del colectivu LGTBIQ+, pensionistes, xente obrero, xente diverso… Por éso, tengo la mio propia asociación d’ociu pa persones con diversidá funcional, collaboro con otres entidades en materia de la accesibilidá universal, soy formadora de Asistentes Personales y trabajo con Sofitu Mutuu, una asociación de “vecines que ayuden a vecines” nel Barriu de Ciudá Naranco. Presenté la mio candidatura nes últimes elleciones por Somos Uviéu, integreme nel Grupu d’Apoyu y Coordinación y dende fai un añu soi portavoz de Podemos Uviéu.


Motivación

Presento la mio candidatura pa trabayar por una Asturies meyor. Porque quiero que Asturies seya el meyor llugar pa vivir. Creo qu’Asturies tien recursos pa curiar a la xente que vivimos equí y pa acoyer a tolos mozos fondamente preparaos que marcharon, pa que nun se cuestionen los nuestros drechos a un trabayu dignu, a una vivienda digna, a una educación de calidá braeramente inclusiva, pa que naide decida lo que tenemos que ser y a quien amar, pa que les persones con diversidá funcional y con dependencia tengan los recursos que necesiten, pa protexer la nuesa cultura y llingües cola oficialidá, pa que tengamos unos servicios públicos de calidá y adoptar midíes urxentes escontra’l cambeu climáticu. Creo dafechu n’una sociedá diversa e inclusiva y denguna ultradrecha va a arrebatánosla. Podemos Asturies va tener que pactar unos presupuestos y tamién un nuevu Estatutu d’Autonomía, ábrese un futuru esperanzador e ilusionante ónde habemos facer una Asturies más xusta, más respetuosa colos drechos de les persones… y yo quiero curiar esti procesu con tola mio fuercia, experiencia y puxu.

Preinscripción de candidaturas a CoordA y CCA