Enrique Lopez Hernandez

Enrique Lopez Hernandez


 

Se presenta a:

Consejo Ciudadano Autonómico

Biografía

Nací en Xixón, 62 años, comprometíu cola xusticia social, militante dende los 14 años en movimientos de mocedá y estudiantiles primero, llueu sociales, políticos y sindicales. Funcionariu de l’alministración asturiana, milito na CSI, sindicatu asturianu, alternativu y de clase. Toi en Podemos Asturies dende 2015, puxando pa ser influyentes y meyorar la vida de la nuesa xente . Fui, con arguyu, diputau na Xunta Xeneral na llexislatura 2015-2019. Nel actual CCA toi como Portavoz de Podemos Asturies xunto a Cova Tomé, Kris Tuero y Fran Suárez.


Motivación

Tamos a les puertes d’un nuevu ciclu políticu nel que toca sumar pa llograr un frente ampliu que consolide una alternativa política a la socialdemocracia de la FSA. N’Asturies, el trabayu fechu estos 6 años dende Podemos Asturies ye perbuenu, con toles dificultaes que hubo que salvar, que fueron munches, manteniendo una identidá propia, tomando les decisiones nel territoriu, siempre con llealtá al proyeutu estatal de Unidas Podemos, Podemos Asturies ye güei la organización territorial más fuerte de toes les del Estau, ehí ye onde se ve’l trabayu fechu. Creo na politica dende cerca y creo na xente honesta que nun persigue protagonismu, sino que aporta compromisu. Creo na honestidá y valía política de Dani Ripa porque lu conozco perbien. Valoro muncho la su coherencia ideolóxica, algo que nun suele abundar demasiao na política. Y sé que la xente que va na candidatura d’Asturies Dende Cerca, tamién tola xente moza que se suma na llista con munches ganes y con fuercia, van responder a los retos de consolidación y crecimientu de Podemos Asturies en lo interno y va trabayar bien pa, en lo externo, facer crecer el nuestru espaciu políticu n’Asturies y llograr ser más influyentes na política asturiana. Metímonos na política con Podemos pa meyorar la vida de la xente, pa transformar la sociedá, non p’alimentar egos ni pa medrar no personal potenciando imaxen propia. Esi espíritu, de compromisu políticu y social ye’l que veo con Asturies Dende Cerca. Por eso toi equí. SÍ SE PUEDE.

Preinscripción de candidaturas a CoordA y CCA